Каталониянинг “Барселона” клуби “Манчестер Сити” ҳимоячиси Жоау Канселуни доимий равишда сотиб олиши мумкин, деб хабар беради Sport.es.
Манбанинг хабарига кўра, "кўк-анорранглилар" бош мураббийи Ханс-Дитер Флик латералнинг трансферини маъқуллаган.
"Манчестер Сити" ўз навбатида Канселу билан 20 миллион евро эвазига хайрлашишга тайёр.
Эслатиб ўтамиз, 2023/2024 йилги мавсумда Жоау Каталония жамоасида ижара асосида ўйнаган. Ўтган мавсумда ҳимоячи "Барселона"нинг 42 та ўйинида қатнашиб, 4 та гол ва 5 та голли узатмани амалга оширган.
Унинг "шаҳарликлар" билан тузилган меҳнат шартномаси 2027 йилнинг ўрталарига қадар амал қилади.
