"Брентфорд" бош мураббийи Томас Франк, агар жамоаси ҳужумчи Айван Тонини ёзда сотмаса, хурсанд бўлишини айтди.

Яқинда матбуотда "Брентфорд" 28 ёшли англиялик футболчига бошқа клублар қизиқиш билдирмаётгани сабабли Тонининг нархини кескин пасайтиргани ҳақида маълумот пайдо бўлди.

Тонининг шартномаси тугашига ҳали бир йил бор, аммо кейинги ёзда ҳеч қандай товон пулисиз футболчини йўқотиш таҳдиди Франкни хавотирга солмайди.

"Эртага нима бўлишини ҳеч ким билмайди. У "Брентфорд" футболчиси ва мен уни сақлаб қолишдан хурсанд бўлардим.

Аммо, биласизми, мен иложи борича кўпроқ яхши ўйинчиларни истамайдиган мураббийни учратмадим, шунинг учун ҳозир Айван "Брентфорд" футболчиси.

Биламан, у дам олиш вақтини мароқли ўтказмоқда, у Англиядаги ўйинларидан кейин бунга тўлиқ муносиб ва агар у биз билан қолса, мен мураббий сифатида кўпроқ хурсанд бўламан.

Биз гол муаллифи ҳақида гапираяпмиз ва унинг жамоангизда бўлиши жуда яхши, агар кимдир уни сотиб олмоқчи бўлса, бу қиммат", - деди Франк Daily Mail билан суҳбатда.