"Red Bull" компанияси директори Оливер Минцлаффнинг шахсан ўзи Хави Симонснинг трансферига тўсқинлик қилмоқчи, деб ёзади Bayern & Germany.
Эслатиб ўтамиз, нидерландиялик ярим ҳимоячи "ПСЖ"га тегишли, бироқ охирги мавсумни "Лейпциг"да ижара асосида ўтказган. Энди "буқалар" футболчини сотиб олмоқчи.
Бироқ, Симонснинг юқори баҳоси туфайли клубнинг келишиб олиши қийин, қолаверса, "Бавария" музокараларга аралашди.
Мюнхен клуби Симонс учун 100 миллион еврога яқин маблағ ажратишга тайёр, бу эса "Лейпциг" учун етиб бўлмас маблағ. Бироқ Минцлафф футболчини "Бавария"га қўймаслик ниятида.
Минцлафф айнан нима қилмоқчи эканлиги аниқланмаган, бироқ компания раҳбари Симонсни "Лейпциг"да сақлаб қолиш энг муҳим устувор вазифа эканини таъкидлади.
