Мюнхеннинг "Бавария" клуби фахрий президенти Ули Хёнесс немис топ-клубининг янги трансферлари ҳақида гапирди.
"Агар кимдир жамоани тарк этмаса, бошқа харидлар бўлмайди. Клубда бир тийин ҳам йўқ", - деди Хёнесс.
Аввалроқ матбуотда канадалик ҳимоячи Альфонсо Дэвис мюнхенликларни тарк этиши мумкинлиги ҳақида хабарлар тарқалган эди. Томонлар келаси ёзда тугайдиган шартномани узайтириш борасида келиша олишмади. "Реал Мадрид" шартнома имзолашга қизиқмоқда. "Бавария" ўтган мавсумда ёмон ўйнади ва Бундеслига турнир жадвалида учинчи ўринни эгаллади.
