Дортмунднинг "Боруссия" клуби спорт директори лавозимини эгаллаб турган Себастьян Кель ҳужумчи Никлас Фюллкругнинг сотилиши мумкинлиги ҳақидаги саволга жавоб берди.
Германия терма жамоасининг 31 ёшли футболчисига "Милан" ва "Атлетико Мадрид" клублари қизиқмоқда.
Яқинда Серу Гирассининг "Боруссия"га келиши, "асаларилар"нинг яқинда Фюллкруг билан хайрлашиши эҳтимолини оширди.
"Биз мавсумни тўртта ҳужумчи билан бошлаш идеал ҳолат эмаслигини тушунамиз. Бу позицияда бошқа нарса бўлиши мумкин.
Албатта, мен Никлас билан гаплашдим. Бизнинг барча футболчиларимиз шижоатли, рақобат ҳам жуда муҳим", - деди Кель.
