Ўтган мавсумни "Барселона"да ижара асосида ўтказган "Атлетико Мадрид" ва Португалия терма жамоаси вингери Жоау Феликс Англия чемпионатига ўтиши мумкин.
Бу ҳақда журналист Фабрицио Романо ўзининг ижтимоий тармоқларида маълум қилди.
Манбага кўра, вингерни ўз сафига "Астон Вилла" қўшиб олмоқчи. Бирмингем клуби бош мураббийи Унаи Эмери шахсан Феликсни жамоасида кўрмоқчи.
Қайд этилишича, келишув молиявий нуқтайи назардан қийин бўлади, аммо «Астон Вилла» Мусса Диабини «Ал-Иттиҳод»га 60 миллион еврога сотиб юборганидан сўнг, Феликс билан шартнома имзолаш имкониятини кўриб чиқади.
