Иккинчи даврага тайёргарлик кўраётган Александр Хомяков бошчилигидаги "Андижон" жамоаси бугун янги трансферни амалга оширганини расман эълон қилди.
Андижонликлар 19 ёшли қозоғистонлик ярим ҳимоячи Абинур Нуримбет билан шартнома имзолаганини кенг оммага маълум қилди.
Маълумот учун: Абинур Нуримбет, ёши 19да, амплуаси ярим ҳимоячи. Қозоғистон фуқароси.
Асли "Тараз" клуби тарбияланувчиси бўлган Нуримбет фаолияти давомида "Тараз", Улитау, Беларуснинг "Энергетик-БГУ" ва "Гомель" жамоаларида ўйнаган. Қозоғистоннинг 17, 18 ва 19 ёшгача бўлган терма жамоаларида ўйнаган.
Ўтган вақт мобайнида Абинур "Гомел" таркибида Беларус чемпионатида 10 та учрашувида майдонга тушди ва 1 та гол муаллифига айланди. Ҳозирда ушбу ўйинчи қозоқ футболининг бўлажак юлдузларидан бири сифатида эътироф этилмоқда.
