"Манчестер Юнайтед"нинг янги футболчиси Лени Йоро "қизил иблислар" афсонаси Рио Фердинанднинг трансферидаги ўрни ҳақида гапирди.

"Манчестер Юнайтед" ўтган ҳафта Йорони "Лилл"дан 59 миллион фунт стерлингга сотиб олди. 18 ёшли франциялик футболчи “Рейнжерс”га қарши мавсумолди ўйинида иштирок этиб, “иблислар” сафида дебют қилди.

Фердинанд Йорога "Манчестер Юнайтед" қандай эканлигини яхшироқ билишга ёрдам берди. Ленининг сўзларига кўра, Рионинг ўзи ташаббусни ўз қўлига олган ва унга қўнғироқ қилган.

"Бу тахминан икки ҳафта олдин (Йоро биринчи марта Фердинанд билан гаплашганида) рўй берди. У менга қўнғироқ қилди.

Аввало, у билан суҳбатлашганим мени ҳайратда қолдирди. Ҳа, дастлабки 10 дақиқада биз "Манчестер Юнайтед" ҳақида гаплашдик, шунинг учун у менга танловимни амалга оширишимга ёрдам берди. У билан суҳбатлашиш шараф эди.

У мен билан клуб ва клубнинг катта тарихи ҳақида гапирди. Агар бу ерга келсам, клуб учун курашишим ва тайёр бўлишим кераклигини айтди, чунки у дунёдаги энг катта клуб. Бу мен учун жуда яхши бўлди" - деди Йоро Evening Standard билан суҳбатда.