«Боруссия Дортмунд» ПСВдан Йерди Схаутенни сотиб олишни режалаштирмаяпти.
"Sky Sports" журналисти Патрик Бергернинг хабар беришича, Дортмунд клуби Нидерландия терма жамоасининг 27 ёшли ярим ҳимоячисининг трансферини кўриб чиқмаяпти.
Дортмундликлар Схаутен билан боғланишганди, чунки футболчи бош мураббий Нури Шаҳин томонидан юқори баҳоланади. Бироқ немис клуби раҳбарияти ҳозирча ярим ҳимоячининг нархи жуда юқори бўлгани учун шартнома тузишни режалаштирмаяпти.
ПСВ Схаутен учун 30 миллион евродан кўпроқ пул талаб қилаётгани хабар қилинган. Ўтган мавсумда ярим ҳимоячи Нидерландия чемпионатида 29 та ўйин ўтказиб, 4 та гол урган.
