"Манчестер Сити" 24 ёшли ҳужумчи Хулиан Альвареснинг нархини 90 миллион евро (70 миллион евро ва бонуслар сифатида 20 миллион евро) қилиб белгилади. Бу ҳақда Sport.es хабар бермоқда.
Манбага кўра, аргентиналик футболчи жамоадаги ўрнидан унчалик мамнун эмас, чунки ҳужумчи Эрлинг Холанд кўпроқ асосий таркибда ўйнайди. Таъкидланишича, Англия чемпиони бош мураббийи Пеп Гвардиола Альваресга ўзи хоҳлаётган ўйин дақиқаларини кафолатлай олмайди.
Аввалроқ ОАВда ҳужумчи хизматларига "Атлетико" ва "ПСЖ" клублари қизиқиш билдираётгани ҳақида маълумотлар пайдо бўлганди.
