ФИФА расмий сайти Осиё қитъасида порлаётган ёш футболчилар ҳақида мақола чоп этди. Қувонарли томони, муаллиф ўзбекистонлик футболчи Фозил Мусаевни Осиё саҳнасида порлаётган янги юлдуз сифатида қайд этди.

"Ушбу йил Осиёда бирданига 4та халқаро мусобақа билан бошланди", дея ёзади ФИФА сайти. "Бразилияда ўтадиган ЖЧ саралаш ўйинлари ҳал қилувчи паллага кирган бўлса, 20та жамоа Осиё кубоги-2015 саралаш босқичида иштирок этмоқда. Қитъанинг энг яхши клублари эрта баҳордан Чемпионлар лигасида қатнашмоқда, шунингдек, футболи ривожланаётган мамлакатлар клублари ОФК кубоги мусобақасини иштирок этмоқда. Ушбу ўйинларда иқтидорли футболчилар ўзларин яхши томонлама кўрсата оляптилар. ФИФА ўсиб келаётган юлдузларга эътиборни қаратади".

Фозил Мусаев, ярим ҳимоячи, 24 ёш. "Бунёдкор", Ўзбекистон.
2009 йилги 20 ёшгача бўлган футболчилар ўртасида Жаҳон чемпионатида қатнашган ушбу ўйинчининг тенгдошлари фаолиятида пасайиш кузатилган бўлса, Фозил Мусаев ўзини йўқотиб қўймади. Ушбу мавсум аввалида у "Насаф"дан "Бунёдкор"га ўтди ва ОЧЛда 2та гол уришга муваффақ бўлди ("Санфречче Хиросима" ва "Бейцзинг Гоан" дарвозаларига — Std.uz изоҳи). Шунингдек, у терма жамоа сафида ЖЧ саралашининг сўнгги 3та ўйинида иштирок этди.

ФИФА сайти, шунингдек, қуйидаги футболчиларга ҳам эътибор қаратган:
Абдулазиз ал-Муқбалий, ҳужумчи, 23 ёш, "Ал-Таъвун", Уммон
Аҳмад ал-Доуний, ҳужумчи, 24 ёш, "Ар-Риффа", Сурия
Амжед Розий, ҳужумчи, 22 ёш, "Арбил", Ироқ
Мустафо ал-Бассос, ҳужумчи, 19 ёш, "Ал-Аҳли", Саудия Арабистони
Умар Абдулраҳмон, ярим ҳимоячи, 21 ёш, "Ал-Айн", БАА
Сон Хеунг Мин, ҳужумчи, 20 ёш, "Гамбург", Жанубий Корея