Италиялик "Милан"нинг собиқ устози Арриго Сакки аввалроқ "Атлетико"да ўйнаган испаниялик футболчи Альваро Моратанинг клубга ўтиши ҳақида фикр билдирди.
"Мората Европа чемпионатида яхши ўйнади, унга шубҳа билан қараган мухлислар назарида ўзини тиклади. Моратани таклиф қилиш - ажойиб қадам. У мобил ҳужумчи. У ҳужумнинг бутун фронти бўйлаб ҳаракатланади ва ғалаба қозониш учун нима қилиш кераклигини ҳам яхши билади" - деди Сакки La Gazzetta Dello Sport билан суҳбатда.
Эслатиб ўтамиз, Италия А Сериясининг янги мавсуми 17 август куни старт олади, биринчи турда "Милан" "Торино" билан ўйнайди.
