"Манчестер Сити" бош мураббийи Пеп Гвардиола жамоага Франциянинг "Труа" жамоасидан келиб қўшилган ҳужумчи Савиодан чап ва ўнг қанотларда кенг ўйинчи сифатида фойдаланишни режалаштираётганини айтди.

"У иккала қанотда ҳам, чап қанотда ҳам, ўнг қанотда ҳам ўйнай олади, ҳатто ўртада ҳам ўйнай олади. Лекин у бизга қанотларда ўйнаш учун кўпроқ керак. Бизда иккала қанотда ўйнай оладиган ҳужумчилар кам", - деди Гвардиола.

Ўтган мавсумда Савио "Жирона"да ижара асосида ўйнади (футболчи "Труа"га тегишли эди). У барча турнирларда 41 та учрашувда қатнашиб, 11 та гол ва 10 та голли узатмани амалга оширган. Transfermarkt порталида берилган маълумотларга кўра, футболчининг бозор қиймати 50 миллион еврони ташкил қилади.