"Бавария" клуби ярим ҳимоячи Жошуа Киммихга "Реал" қизиқиш билдириши мумкин, деб ҳисобламоқда.
29 ёшли футболчининг шартномаси бир йилдан сўнг тугайди ва айни дамда томонлар янги шартнома борасида келиша олишмаяпти. Relevo хабарига кўра, Мюнхен клуби Киммихнинг "Реал"га кетиши мумкинлигидан хавотирда. "Бавария" раҳбарларининг фикрича, немис ярим ҳимоячиси "Лос-Бланкос"нинг нишонига айланиши мумкин ва бу унинг муддати тугайдиган шартномасини узайтириш вазифасини жиддий равишда мураккаблаштиради.
Жошуа Киммихга "Манчестер Сити" ва "Барселона" ҳам қизиқиш билдирмоқда. Футболчи 2015-йилдан бери “Бавария” шарафини ҳимоя қилади.
