Мадриднинг “Атлетико” клуби Лондоннинг “Челси” клуби ярим ҳимоячиси трансферини якунлай олишига ишонмоқда. Гап "аристократлар" билан шартномаси тугашига бир йил қолган Конор Галлахер ҳақида кетмоқда.
Team Talk хабарига кўра, "Атлетико Мадрид" Галлахернинг трансфери амалга ошишига ишонади. Футболчининг ўзи Испанияга кўчиб ўтишга тайёр ва аллақачон дўстларидан бу мамлакатдаги ҳаёт ҳақида сўраган.
Аввалроқ "Челси" Галлахер билан шартномани узайтирмоқчи эмаслиги ҳақида хабар берилганди. Ўтган Премьер-лигада 24 ёшли Конор 5 та гол ва 7 та голли узатмани амалга оширди.
