Madridning “Atletiko” klubi Londonning “Chelsi” klubi yarim himoyachisi transferini yakunlay olishiga ishonmoqda. Gap "aristokratlar" bilan shartnomasi tugashiga bir yil qolgan Konor Gallaxer haqida ketmoqda.

Team Talk xabariga ko‘ra, "Atletiko Madrid" Gallaxerning transferi amalga oshishiga ishonadi. Futbolchining o‘zi Ispaniyaga ko‘chib o‘tishga tayyor va allaqachon do‘stlaridan bu mamlakatdagi hayot haqida so‘ragan.

Avvalroq "Chelsi" Gallaxer bilan shartnomani uzaytirmoqchi emasligi haqida xabar berilgandi. O‘tgan Premyer-ligada 24 yoshli Konor 5 ta gol va 7 ta golli uzatmani amalga oshirdi.