Канада аёллар футбол жамоаси Париж Олимпиадасида Токиодаги олтин медалларини ҳимоя қилади. Аммо жамоанинг тайёргарлиги жосуслик можароси туфайли ёмон кетди.
Канада Олимпия қўмитаси (СОС) чоршанба куни "Канада миллий футбол жамоасининг аккредитациядан ўтмаган аъзоси" Франция ҳукумати томонидан Янги Зеландия аёллар терма жамоасига жосуслик қилиш учун дрондан фойдалангани учун ҳибсга олинганини эълон қилди.
Кейинчалик маълум бўлишича, дрон Канада терма жамоаси таҳлилчиси Жозеф Ломбарди томонидан бошқарилган. AFP нашри хабарига кўра, 43 ёшли таҳлилчи судьяга айбига иқрор бўлган ва шартли саккиз ойлик қамоқ жазосига ҳукм қилинган.
Канада терма жамоаси бош мураббийи Беверли Пристман ҳам Янги Зеландияга қарши бўлиб ўтадиган ўйинда иштирок этмаслигини маълум қилди.
