"Жирона" ҳужумчиси Артём Довбик "Рома"га ўтишга рози бўлди.
27 ёшли футболчи римликлар томонидан таклиф қилинган лойиҳадан ҳайратга тушди. Инсайдер Фабрицио Романо хабарига кўра, форвард трансферни маъқуллаган ва клубга ўтишга тайёр. "Рома" бош мураббийи Даниэле де Россининг шахсан ўзи Ла Лиганинг сўнгги мавсумининг энг яхши тўпурари билан шартнома имзолашга қизиқмоқда. "Бўрилар" тез орада "Жирона"га расмий трансфер таклифи билан чиқишади.
"Атлетико Мадрид" ҳам Артём Довбикга даъвогарлик қилмоқда, аммо "матрасчилар" билан музокаралар сўнгги пайтларда ижобий натижа бермади.
