Халқаро теннис федерацияси президенти Дэвид Хаггерти россиялик теннисчиларни Париждаги Олимпиадага қўйиш масаласи билан Халқаро олимпия қўмитаси (ХОҚ) шуғулланганини айтди.
"ХОҚ комиссияси бу ерда бор эди ва улар Россиядан иштирок этаётган спортчиларнинг ҳақиқатда нейтрал мақомда эканлигига ишонч ҳосил қилиш учун жуда синчковлик билан текширдилар", - дея Хаггертининг сўзларини келтиради Inside The Games нашри.
Россиялик спортчиларни нейтрал мақомда қабул қилиш масаласи Global Rights Compliance халқаро инсон ҳуқуқлари ташкилоти ҳисоботи эълон қилинганидан кейин яна долзарб бўлиб қолди.
