Канада футбол бўйича аёллар терма жамоаси бош мураббийи Бев Приестман 2024-йилги ёзги Олимпия ўйинларида рақибларни дрон ёрдамида кузатиш билан боғлиқ можародан сўнг лавозимидан четлаштирилди.
Энди Спенс Олимпиада турнири якунига қадар бош мураббий сифатида ишлайди. Бу ҳақда Канада футбол ассоциацияси бош котиби Кевин Блю маълум қилди.
“Охирги 24 соат ичида биз Париждаги Олимпия ўйинлари арафасида рақиблар устидан жосуслик қилиш учун жамоаларнинг дронлардан фойдаланаётгани ҳақида қўшимча маълумот олдик.
Ассоциация аёллар миллий терма жамоаси мураббийи Бев Приестманни Олимпиададан четлатишга қарор қилди", - деди Блю.
