Дзюдо бўйича Олимпия ўйинлари ўтказиладиган арена демонтаж қилинди, чунки татами ётқизилган пол яроқсиз деб топилди.
Янги полга буюртма берилди ва у бир кун ичида ўрнатилиши керак.
"Мен Парижга катта иштиёқ билан келдим, биз спорт нуқтайи назаридан тайёрмиз, лекин афсуски, ўйин ўтказиладиган жой тайёр эмас ва натижада биз қийналмоқдамиз.
Франция - дзюдо мамлакати, энг уюшган давлатлардан бири, дзюдо билан шуғулланадиган ва уни қўллаб-қувватлайдиган миллиондан ортиқ аъзолари бор ва бу ердаги йирик турнирнинг асосий воқеаларидан бири дзюдо бўйича мусобақалар бўлади, шунинг учун умид қиламанки, ҳамма нарса ўз вақтида ҳал бўлади", - дейилади халқаро дзюдо федерацияси президенти Мариус Визернинг баёнотида.
