"Эвертон" "Наполи"нинг ҳужумкор ярим ҳимоячиси Йеспер Линдстремни ижарага олди.

Линдстремнинг ижара шартномаси 2024/25 йилги мавсумгача амал қилади ва кейинги ёзда 18,5 миллион фунт стерлингга сотиб олиш имкониятини ўз ичига олади.

Линдстрем “Наполи”га бир йил аввал Франкфуртнинг “Айнтрахт” клубидан келиб қўшилганди. Кейин Йеспер А Серия клубига ўтиш учун "Ливерпул"нинг таклифини рад этгани билан мақтанди.

24 ёшли даниялик ўтган мавсумда "Наполи" сафида барча турнирларда 29 та ўйинда майдонга тушиб, А Серияда бирорта ҳам гол ура олмади.

Линдстрем бу ёзда Жек Харрисон, Тим Айрогбунам ва Илиман Ндиайдан кейин Шон Дайчнинг тўртинчи трансфери бўлди.