Леверкузеннинг "Байер" клуби марказий ҳимоячи Жонатан Тани "Бавария"га сотишга шошилмаяпти.
Яқинда немис ОАВ хабарларидан маълум бўлишича, мюнхенликлар жамоаси «дорихоначилар»га 28 ёшли футболчи учун янги таклиф жўнатишган. Германиялик марказий ҳимоячининг шартномаси бир йилдан кейин тугайди, бу эса Леверкузенликлар учун вазиятни мураккаблаштирмоқда.
Бироқ, спорт директори Симон Рольфеснинг сўзларига кўра, Та ҳозирча ҳеч қаерга кетмаяпти: «Менда бу борада ҳеч қандай янгилик йўқ. Якшанба куни Та жамоа билан йиғинга боради. Биз у билан учрашишни интиқлик билан кутяпмиз», - дея функционернинг сўзларини келтиради Bild.
