"Галатасарой" "Зенит" ярим ҳимоячиси Венделнинг трансферига муқобил вариант топди, деб хабар бермоқда Bolavip нашри.
Манбанинг хабарига кўра, турк клуби бразилиялик футболчини 25 миллион еврога трансфер қилишдан бош тортган, хабар қилинишича, "Галатасарой" 24 ёшли "Палмейрас" ва Колумбия терма жамоаси футболчиси Ричард Риосни муқобил топиб олган. Турклар унинг учун Бразилия клубига 16 миллион евро таклиф қилишган.
Риос "Палмейрас" сафида 2023 йилдан буён ўйнаб келмоқда. Ўтган мавсумда ярим ҳимоячи бразилияликлар сафида барча турнирларда 30 та ўйин ўтказиб, иккита гол ва битта голли узатмага муаллифлик қилган. Футболчининг амалдаги клуби билан шартномаси 2026 йилнинг июнь ойи охиригача амал қилади. Transfermarkt порталига кўра футболчининг тахминий нархи 10 миллион еврони ташкил қилади.
