Туриннинг "Ювентус" клуби "Аталанта" ярим ҳимоячиси Тён Копмейнерснинг трансфери бўйича янги таклиф тайёрламоқда.
La Gazzetta dello Sport нашри хабарига кўра, "кекса синьора" ярим ҳимоячи учун 45 миллион евро таклиф қилмоқчи. Аввалроқ "Аталанта" Копмейнерс учун 60 миллион евро талаб қилиши, шу сабабли Жан-Пьер Гасперини жамоаси “Ювентус” таклиф қилаётган шартларга рози бўлмаслиги мумкинлиги ҳақида хабар берилганди.
Эслатиб ўтамиз, Копмейнерс жароҳати сабаб Евро-2024 мусобақасини ўтказиб юборганди. 26 ёшли ярим ҳимоячи Италия А Сериясининг сўнгги мавсумида 34 та ўйинда майдонга тушиб, 12 та гол урди ва 5 та голли узатмани амалга оширди.
