Дортмунднинг "Боруссия" клубида ўйнаётган нидерландиялик вингер Дониэлл Мален фаолиятини Англия Премьер-лигасида давом эттириши мумкин. Бу ҳақда Caught Offside нашри хабар бермоқда.
Манбага кўра, футболчи учун Лондоннинг "Арсенал" ва "Ливерпуль" клублари даъвогарлик қилмоқда. "Мерсисайдликлар" Маленни Муҳаммад Салоҳга ўринбосар сифатида кўрмоқда, "канонирлар" эса нидерландиялик футболчини Букайо Сака билан рақобатлаштирмоқчи.
Ушбу икки вариант орасида Дониэлл "Арсенал"га ўтишни афзал кўради. Маленнинг трансфер қиймати 40 миллион еврога баҳоланмоқда, унинг шартномаси 2026 йилнинг ўрталарига қадар амал қилади.
