"Барселона" Бильбаонинг "Атлетик" клуби вингери Нико Уильямснинг трансфери борасидаги музокаралар муваффақиятли якунланишига шубҳа қилмоқда. Бу ҳақда Relevo нашри хабар бермоқда.
Манбанинг хабарига кўра, каталонияликлар "ПСЖ" музокараларда қатъиятлироқ ва "Барселона"га нисбатан қулайроқ шартларни таклиф қилишга тайёр футболчи учун курашга аралашганидан хавотирда.
Қайд этилишича, "Барселона" "ПСЖ"дан яхшироқ шартларни таклиф қила олмайди.
Ўтган мавсумда Уильямс клуб ва терма жамоа сафида барча мусобақаларда 48 та ўйинда қатнашиб, 10 та гол ва 24 та голли узатмани амалга оширган. Футболчининг клуб билан амалдаги шартномаси 2027 йилнинг ёзига қадар амал қилади.
