"Манчестер Юнайтед" марказий ҳимоячиси Лени Йоро жароҳати сабаб майдонни тарк этишга мажбур бўлди.
18 ёшли франциялик футболчи Лондоннинг “Арсенал” жамоаси билан мавсумолди учрашувида “қизил иблислар” сафида майдонга тушди. 35-дақиқадаёқ Эрик тен Хаг жароҳати туфайли ўйинни давом эттира олмаган янги футболчининг ўрнига бошқа футболчини майдонга туширди. Бу жароҳат қанчалик жиддий эканлиги номаълум.
Лени Йорони «Манчестер Юнайтед» икки ҳафта олдин «Лилль»дан сотиб олган эди. Ўсиб бораётган юлдузнинг трансфери манкунианликларга 62 миллион еврога тушди.
