Америкалик футболчи Кристиан Пулишич "россонерилар" сафига ўтган йилнинг июль ойида Лондоннинг "Челси"сидан кўчиб ўтган эди.
Футболчи Италиядаги дебют мавсумини ажойиб ўтказди ва барча мусобақаларда "Милан" сафида 50 та ўйинда майдонга тушиб, 15 та гол ва 11 та голли узатмани амалга оширди.
"Янги клубга маҳаллий тилни билмасдан келганингда доим қийин бўлади, аммо "Милан"да биринчи кунларданоқ мени қўллаб-қувватлаб, бор эътиборимни футбол ўйнашга қаратишга имкон беришди. Шахсан мен учун бу ерда биринчи мавсум ажойиб ўтди, лекин асосий мақсад ўйинлар ва совринларни ютиш.
Умид қиламанки, янги мавсумда мен бундан ҳам кўпроқ ютуқларга эриша оламан ва жамоамнинг муваффақиятга эришишида ёрдам бера оламан", - дея 25 ёшли футболчининг сўзларидан иқтибос келтиради журналист Алфредо Педулла.
