“РБ Лейпциг” клубининг испаниялик ярим ҳимоячиси Дани Ольмо фаолиятини “Барселона”да давом эттирмоқчи. 26 ёшли ярим ҳимоячи бошқа клублардан тушган барча таклифларни рад этади, деб хабар беради Mundo Deportivo.
Эслатиб ўтамиз, Ольмо “Кўк-анорранглилар” академиясининг тарбияланувчиси ҳисобланади. Дани 2007 йилдан 2014 йилгача Каталония клуби тизимида бўлган.
Ольмо 2020 йилдан бери “РБ Лейпциг”да ўйнаб келмоқда. Томонлар ўртасидаги амалдаги меҳнат шартномаси 2027 йилнинг июн ойи охирида тугайди. Transfermarkt футболчининг нархини 60 миллион еврога баҳоламоқда.
