“RB Leypsig” klubining ispaniyalik yarim himoyachisi Dani Olmo faoliyatini “Barselona”da davom ettirmoqchi. 26 yoshli yarim himoyachi boshqa klublardan tushgan barcha takliflarni rad etadi, deb xabar beradi Mundo Deportivo.
Eslatib o‘tamiz, Olmo “Ko‘k-anorranglilar” akademiyasining tarbiyalanuvchisi hisoblanadi. Dani 2007 yildan 2014 yilgacha Kataloniya klubi tizimida bo‘lgan.
Olmo 2020 yildan beri “RB Leypsig”da o‘ynab kelmoqda. Tomonlar o‘rtasidagi amaldagi mehnat shartnomasi 2027 yilning iyun oyi oxirida tugaydi. Transfermarkt futbolchining narxini 60 million yevroga baholamoqda.
