2024 йилги Олимпия ўйинларида триатлончиларнинг биринчи сузиш машғулотлари Сенада сув сифати ёмонлиги сабабли бекор қилинди.
Ташкилий қўмита сўнгги бир неча кун ичида ёғингарчилик туфайли сув сифати ёмонлашганини қайд этади.
Ташкилотчилар триатлон мусобақаси режалаштирилганидек 30 ва 31 июль кунлари бўлиб ўтишига ишонч билдиришмоқда.
Июль ойи бошида Париж мэри Анн Идалго пойтахт дарёсида мусобақалар ўтказиш хавфсиз эканлигини исботлаш учун Сенада сузган эди.
Идалгонинг сузиш жараёни июнь ойида режалаштирилган эди, аммо кейин кучли ёмғир ва Сенада оқава сув ҳажмининг кўпайиши туфайли бактериялар сони кўпайди. Франция спорт вазири Амели Оудеа-Кастерадан сўнг, Идалго Сенада сузди.
Аввалроқ ХОҚ раҳбари Томас Бах ва Франция президенти Эммануэль Макрон Олимпиада олдидан дарёда сузиш режалари ҳақида гапирган эди.
