2024 yilgi Olimpiya o‘yinlarida triatlonchilarning birinchi suzish mashg‘ulotlari Senada suv sifati yomonligi sababli bekor qilindi.
Tashkiliy qo‘mita so‘nggi bir necha kun ichida yog‘ingarchilik tufayli suv sifati yomonlashganini qayd etadi.
Tashkilotchilar triatlon musobaqasi rejalashtirilganidek 30 va 31 iyul kunlari bo‘lib o‘tishiga ishonch bildirishmoqda.
Iyul oyi boshida Parij meri Ann Idalgo poytaxt daryosida musobaqalar o‘tkazish xavfsiz ekanligini isbotlash uchun Senada suzgan edi.
Idalgoning suzish jarayoni iyun oyida rejalashtirilgan edi, ammo keyin kuchli yomg‘ir va Senada oqava suv hajmining ko‘payishi tufayli bakteriyalar soni ko‘paydi. Fransiya sport vaziri Ameli Oudea-Kasteradan so‘ng, Idalgo Senada suzdi.
Avvalroq XOQ rahbari Tomas Bax va Fransiya prezidenti Emmanuel Makron Olimpiada oldidan daryoda suzish rejalari haqida gapirgan edi.