28 июль куни Париж Олимпиадасида иккинчи кун баҳслари бўлиб ўтди.
Ўзбек спортчилари унда қуйидагича натижа қайд этишди:
Дзюдо, 66 кг: Сардор Нуриллаев илк босқичда бразилиялик Уильян Лимага имкониятни бой берди.
Дзюдо, 52 кг: Диёра Келдиёрова барча рақибаларини мағлубиятга учратиб, олтин медални қўлга киритди.
Академик эшкак эшиш, енгил вазнли жуфтлик. Шаҳзод Нурматов/Собир Сафаралиев тандеми ўз гуруҳида бешинчи бўлиб келди ва финалга чиқа олмади.
Бокс, 92 кг вазнли Лазизбек Мулложонов Италия вакили Азиз Аббес Мухиддинни 4:1 ҳисобида мағлубиятга учратиб, чорак финалга йўл олди.
