"Ювентус" вингери Федерико Кьеза келажаги ҳақида ўйлашда давом этмоқда.
Туринликлар келаси йил ўрталарида шартномаси ниҳоясига етадиган 26 ёшли футболчини сотишга тайёр. Италиялик футболчига А Сериядан ҳам, хориждан ҳам кўплаб клублар қизиқиш билдирмоқда. Журналист Мирко ди Наталенинг ёзишича, Кьеза яқинда Туркиянинг “Бешиктош” клубидан таклиф олган, бироқ у фаолиятини Англия Премьер-лигасида давом эттиришга умид қилгани учун рад жавобини берган.
Лондоннинг “Арсенал” ва “Тоттенхэм” клублари Федерико Кьеза учун даъвогарлар қаторида. Transfermarkt экспертлари футболчининг нархини 35 миллион еврога баҳоламоқда.
