"Yuventus" vingeri Federiko Kyeza kelajagi haqida o‘ylashda davom etmoqda.

Turinliklar kelasi yil o‘rtalarida shartnomasi nihoyasiga yetadigan 26 yoshli futbolchini sotishga tayyor. Italiyalik futbolchiga A Seriyadan ham, xorijdan ham ko‘plab klublar qiziqish bildirmoqda. Jurnalist Mirko di Natalening yozishicha, Kyeza yaqinda Turkiyaning “Beshiktosh” klubidan taklif olgan, biroq u faoliyatini Angliya Premyer-ligasida davom ettirishga umid qilgani uchun rad javobini bergan.

Londonning “Arsenal” va “Tottenxem” klublari Federiko Kyeza uchun da’vogarlar qatorida. Transfermarkt ekspertlari futbolchining narxini 35 million yevroga baholamoqda.