Канада спорт вазири Карла Кволтру ҳукумат аёллар терма жамоасининг дисквалификация қилинган аъзоларига маош бермаслигини айтди.
Аввалроқ, Янги Зеландия терма жамоаси машғулотлари чоғида осмонда дрон кузатилгани маълум бўлган эди. Ушбу ҳодиса учун жавобгарликни Пристман ўз зиммасига олди. Натижада ФИФА Пристманни 1 йилга дисквалификация қилди ва Канада терма жамоасидан Олимпиададаги 6 очкосини олиб ташлади. Шунингдек, Канада федерацияси 200 минг швейцария франки (тахминан 313 минг евро) миқдорида жаримага тортилди.
"Бу канадалик футболчилар ва рақиб жамоаларга нисбатан мутлақо адолатсизлик. Бу ўйиннинг яхлитлигини бузади.
Аёллар терма жамоаси Sport Canadaдан маблағ олаётганини инобатга олиб, биз Канада футбол ассоциациясидан четлатилган шахсларга ФИФА томонидан киритилган санкциялар муддати учун тўловларни тўлашни тўхтатиб қўйяпмиз", — дея Кволтру ВВС билан суҳбатда.
