"Реал Сосьедад"нинг таянч ярим ҳимоячиси Мартин Субименди фаолиятини Туманли Альбионда давом эттириши мумкин.
Todofichajes нашри хабарига кўра, 25 ёшли футболчини "Манчестер Юнайтед" ўз сафига қўшиб олмоқчи. Футболчининг шартномасида 60 миллион еврога сотиб олиш варианти кўрсатилган.
"Қизил иблислар" раҳбарияти бу нуқтадан унумли фойдаланмоқчи. "Манкунианликлар" Субимендининг ўзига 5 йиллик узоқ муддатли меҳнат шартномасини таклиф қилишмоқда.
Мартин "Реал Сосьедад"да 2020 йилнинг сентябридан буён ўйнамоқда. Томонлар ўртасидаги амалдаги шартнома 2026/2027 йилги мавсум охирида якунига етади.
