29 июль, душанба куни Лондоннинг «Арсенал» клуби ҳимоячи Риккардо Калафьори трансферини расман эълон қилди. Италиялик «Болонья»дан Лондонга кўчиб ўтди.
"Transfermarkt" портали маълумотларига кўра, Калафьори «канонирлар» тарихидаги ҳимоявий ўйинчилар ҳақида гап кетганда иккинчи энг қиммат харид бўлди.
«Арсенал» ундан қимматроқ сотиб олган ягона футболчи 2021/22 йилги мавсум олдидан «Брайтон»дан Бен Уайт эди. Англиялик футболчи Микель Артета жамоасига 58,5 миллион еврога тушди. Калафьори учун, "Transfermarkt" маълумотларига кўра, «Арсенал» 45 миллион евро тўлаган.
