Маркос Ассунсао "Ал-Ҳилол" ҳужумчиси Неймар ҳақида гапирди.

- Неймар билан "Сантос"да ўйнагансиз. У ўзининг улкан истеъдоди билан кўпроқ ютуқларга эриша олармиди?

"Биз Бразилияда бу ҳақда кўп гапирамиз. У ҳаётда ўзи қарор қабул қилди, ўйнади ва завқланарди.

Неймар - феномен, мен билан бирга ўйнаган энг яхши футболчилардан бири. Ундан тўпни олиб қўйиш деярли имконсиз эди.

Унинг қарорини ҳурмат қилишимиз керак.

Қандай бўлмасин, у Бразилиянинг энг яхши футболчиси бўлиб қолади ва усиз жамоа совринсиз қолишда давом этади.

У тез орада тузалиб, қайтиши керак, чунки у ҳали ҳам мамлакатимизнинг энг яхши спортчиси", - деди "Рома", "Бетис" ва Бразилия терма жамоасининг собиқ ярим ҳимоячиси.