Ҳуқуқлари испаниялик "Вильярреал" клубига тегишли бўлган норвегиялик марказий ҳужумчи Александр Сорлот Мадрид клуби қизиқишлари доирасига тушиб қолди.
"Атлетико Мадрид" скандинавиялик футболчига қизиқиш билдирмоқда, деб хабар беради Sport.es нашри. "Матрасчилар" украиналик ҳужумчи Артём Довбикнинг трансфери амалга ошмай қолганидан кейин Сорлотга эътиборини қаратди.
Ла Лигадаги ўтган мавсумнинг энг яхши ҳужумчиси бўлган украиналик футболчи "Рома"га ўтишни афзал кўрди. Норвегиялик ҳужумчининг потенциал трансфери мадридликларга 38 миллион еврога тушади. Александр "Вильярреал" сафига 2023 йилда келиб қўшилганди. Ўтган мавсумда форвард "сариқ сувости кемаси" сафида 41 та ўйинда иштирок этиб, 26 гол ва 6 голга ассистентлик қилган.
