Sky Sport нашрининг ёзишича, "Манчестер Юнайтед" "Брентфорд" ҳужумчиси Айван Тоуни билан шартнома имзолашдан манфаатдор эмас.
Манбага кўра, "манкунианликлар" 28 ёшли англиялик футболчи билан шартнома имзолаш борасида ҳозирча ҳеч қандай музокара олиб боришмаяпти. Клубнинг бошқа устувор мақсадлари бор.
Олдинроқ, таркибда Расмус Хёйлунд борлиги ва Жошуа Зиркзе билан шартнома имзолаганига қарамай, "Манчестер Юнайтед" Тоунини сотиб олиши мумкинлиги ҳақида маълумотлар пайдо бўлганди.
Ўтган мавсумда ҳужумчи 17 учрашувда 4 та гол урди ва 2 та голли узатмани амалга оширди.
