Олимпия ўйинлари бошланганидан бери Олимпия шаҳарчасида бешта ўғирлик содир этилган.
Олимпия қишлоғида яшовчи бир неча спортчи ва мураббийлар шахсий буюмлари йўқолгани ҳақида полицияга хабар беришган.
Ҳаммаси бўлиб бешта баёнот берилган. Хусусан, 28 июль куни япониялик регбичи ўз квартирасида тақинчоқларни топа олмади ва 3 минг евро зарар кўрди.
Тергов мураккаблашмоқда. Бунга спортчилар яшайдиган хоналарда видеокузатув камералари ўрнатилмагани ва бир қатор фуқаролар кўрсатма беришни истамагани сабаб бўлди.
Олимпия шаҳарчасида жами 9 мингга яқин спортчи ва 5 минг нафар мураббий истиқомат қилади.
