Дзюдо бўйича Париж Олимпиадаси ғолиби Диёра Келдиёрова (52 кг) Инстаграм саҳифасига янги пост жойлади.
"Ҳаётимдаги энг унутилмас, бахтли кунларимдан бири. Бу медалимни раҳматли бувимга бағишлайман.
6 ёшимда дзюдони севиб қолишимга сабабчи бўлиб, мени шу даражага етказганлари учун. Мен бувим билан яшаб, катта бўлганман ва ҳаётимдаги энг муҳим дарсларни айнан ундан ўргандим. Баъзида ундан менга нисбатан жуда қаттиққўл ва талабчан бўлгани учун жуда ҳам хафа бўлар эдим!
Шуни англадимки, мен учун энг тўғрисини улар қилган эканлар. Хозир орамизда йўқ, лекин биламан, ҳар доим кузатиб, мен билан фахрланиб турибдилар. Олимпиада чемпионлиги жуда ҳам узоқ ва қийин йўл эди. Мен буни ота-онам, бобом-бувиларим, турмуш ўртоғим, ойижон ва дадажонимни кўмаги билан уддаладим! Дуо қилиб, менга ишонган бутун халқимизга ташаккур билдираман", деб ёзди Диёра Келдиёрова.
