"Барселона" бош мураббийи Ханси Флик ўртоқлик ўйинида "Манчестер Сити" устидан пенальтилар сериясидаги ғалаба (4:1, асосий вақт 2:2) ҳақида фикр билдирди.
"Мен жуда хурсандман, биз ажойиб иш қилдик. Биз ажойиб ўйинчиларга эга ажойиб жамоага қарши ўйнадик. Футболчилардан жуда мамнунман. Мураббий учун энг муҳими, биз жамоа бўлиб ҳимояландик ва жамоа бўлиб ҳужум қилдик.
Айниқса, ёшларнинг ажойиб ижросидан кўнглим тўлди. Мен улар билан фахрланаман. Бугун бизда ажойиб дарвозабон бор эди. Кейинги ҳафта бутун жамоа йиғилади. Ҳаммани кўрганимдан хурсанд бўламан", - деди Флик Mundo Deportivo билан суҳбатда.
