Бугун, 31-июль куни Сенада триатлоннинг сузиш қисми бўлиб ўтди.
Аёллар старти аввалроқ кучли ёмғирдан кейин сувнинг ифлосланганлиги сабабли қолдирилди. Стартдан деярли олдин ОАВда Париж сув йўли триатлонга тайёр эмаслиги ҳақида хабарлар пайдо бўлди, бироқ ташкилотчилар мусобақани бошлашга қарор қилишди.
Аёллар триатлонининг сузиш бўлимида Бермудалик Флора Даффи ғолиб бўлди. Италиялик Бьянка Серенйи турнирнинг биринчи босқичини иккинчи натижа (+9 сония ортда) билан якунлаган бўлса, учинчи ўринни Бразилия вакили Виттория Лопес (+13 сония) эгаллади.
Жами 55 нафар спортчи стартда қатнашди. Мусобақанинг сузиш қисмидан ташқари улар велоспорт ва югуриш босқичларидан ўтишлари керак бўлади.
