Пеп Гвардиола Хулиан Альвареснинг "Ман Сити"даги келажаги ҳақидаги сўзларига муносабат билдирди.
Аввалроқ, 24 ёшли аргентиналик ҳужумчи муҳим ўйинларда ўйин вақти камлигидан норозилигини билдирганди. Қолаверса, "Атлетико" ҳужумчига қизиқиш билдираётгани ҳақида маълумот пайдо бўлди.
"Мен Альварес бу ҳақда ўйлаб кўришини айтганини тушундим.
У ўйлаб бўлгач, унинг агентига қўнғироқ қилади ва биз нима бўлишини кўрамиз.
Биламан, у муҳим дақиқаларда ўйнашни хоҳлайди, лекин бошқалар ҳам. Муҳим учрашувларда майдонга тушишни истайдиган 18 ёки 19 нафар футболчим бор", - деди "Манчестер Сити" бош мураббийи.
