Pep Gvardiola Xulian Alvaresning "Man Siti"dagi kelajagi haqidagi so‘zlariga munosabat bildirdi.
Avvalroq, 24 yoshli argentinalik hujumchi muhim o‘yinlarda o‘yin vaqti kamligidan noroziligini bildirgandi. Qolaversa, "Atletiko" hujumchiga qiziqish bildirayotgani haqida ma’lumot paydo bo‘ldi.
"Men Alvares bu haqda o‘ylab ko‘rishini aytganini tushundim.
U o‘ylab bo‘lgach, uning agentiga qo‘ng‘iroq qiladi va biz nima bo‘lishini ko‘ramiz.
Bilaman, u muhim daqiqalarda o‘ynashni xohlaydi, lekin boshqalar ham. Muhim uchrashuvlarda maydonga tushishni istaydigan 18 yoki 19 nafar futbolchim bor", - dedi "Manchester Siti" bosh murabbiyi.