Франциялик Кассандра Богран Олимпия ўйинларининг триатлон бўйича баҳсларида олтин медални қўлга киритди. Спортчи сузиш, велоспорт ва югуриш қисмини 1 соат 54 дақиқа 55 сонияда якунлади.
Иккинчи ўринни Швейцариялик спортчи Жули Деррон қўлга киритган бўлса, кучли учликка Буюк Британия вакили Бет Поттер якун ясаб берди.
Аввалроқ, 2024 йилги Олимпиадада бир нечта триатлончилар ёмғир туфайли велоспорт дастурларида йиқилиб тушганлари ҳақида хабар бергандик.
Ҳозирча жабрланганлар ҳақида маълумот йўқ. Аёллар триатлонининг сузиш дастурида бермудалик Флора Даффи ғолиб бўлди.
Италиялик Бянка Серенйи турнирнинг биринчи босқичини иккинчи ўрин (+9 сония ортда) билан якунлаган бўлса, учинчи ўринни Бразилия вакили Виттория Лопес (+13 сония) эгаллади.
