Машҳур француз журналисти Лоик Танзи ярим ҳимоячи Жоау Невешнинг “Бенфика”дан “ПСЖ”га яқин орада ўтиши мумкинлигини тасдиқлади.
Инсайдернинг хабарига кўра, клублар бонусларни ҳисобга олган ҳолда 70 миллион еврога трансфер бўйича келишиб олишган.
Битим ярим ҳимоячи Ренату Саншешни бир мавсумга ижара асосида "Бенфика"га жўнатиш шартини ҳам ўз ичига олади.
Жоау Невеш сентябрь ойида ўзининг 20 ёшини нишонлайди. Одамлар португалиялик футболчининг иқтидори ҳақида анчадан бери гапириб келишмоқда – авваллари Невешни нафақат "ПСЖ", балки Европа футболининг бошқа гигантлари билан ҳам боғлашган эди.